Profesor Kujtim Mersini, epidemiologu veterinar pranë Universitetit Bujqësor të Tiranës foli sot për televizionin Faxs News lidhur me situatën aktuale të krijuar në vend nga gripi i shpendëve.
Mersini theksoi se ky virus nuk ka rrezik për njerzit dhe konsumatorët, ndaj nuk duhet të kenë frikë të konsumojnë produktet e shpendarisë.
Sipas tij, në këtë situatë, me rëndësi është që qytetarët të tregojnë kujdes në zgjedhjen dhe higjenën e gatimit të produkteve të kësaj kategorie për konsumin e tyre të përditshëm.
Për këtë, qytetarët duhet të zgjedhin produkte sipas standarteve të certifikuara, të ruajtura në kushtet e duhura, të etiketuara dhe me pamje të jashtme të mirë.
Më tej, ai shtoi se therja e shpendëve duhet të bëhet në thertore dhe jo privatisht, për të patur një siguri të garantuar të produktit.
Ai i mëshoi faktit se është në dorën e fermerëve e të rritësve të shpendëve evidentimi, sinjalizimi dhe parandalimi në kohë i problemit.
Shto Koment